Deklarata e dhënë nga Cristiano Ronaldo menjëherë pas fitimit të Champions League me Real Madrid, ku shprehej se “Ishte diçka e bukur të luaja me Real Madrid” duket se nuk ka qenë një koment i thënë nxitimthi nga sulmuesi portugez.

Një ditë pas finales, Ronaldo ka folur sërish për mediat, duke sqaruar se ajo deklaratë nuk ka qenë rastësi, por duket se pas saj fshihet diçka tjetër.

Ja deklarata e pare e Ronaldos pas triumfit ne Champions League

“Ndoshta nuk ishte momenti i duhur për ta bërë atë deklaratë, por isha i ndershëm dhe nuk jam penduar për atë që thashë. Është e qartë që kam diçka për të thënë, por do të flas më gjatë ditët në vijim. Kjo është një çështje që ka kohë që ka nisur dhe paratë nuk janë aspak problem. Do të kem një javë kohë për të menduar për të ardhmen time para se të përqëndrohem të kombëtarja dhe Botërori”, tha Ronaldo sot në mëngjes.